كلمات قصيدة لما جيت اكتب عن امي

كلمات قصيدة لما جيت اكتب عن امي

جوجل بلس

محتويات

    كلمات قصيدة لما جيت اكتب عن امي للشاعر عبدالله حسن، هذه القصيدة الرائعة والمميزة التي يصف فيها الشاعر المشاعر الكبيرة التي تصف الام باجمل العبارات وافصح الكلام الجميل، هذه الكلمات الجميلة والرائعة التي تظهر اهمية الام في حياة الانسان، وتغني الشعراء في اي شئ يكون لقيمته الكبيرة، لهذا نجد ان كثير من الشعراء بينوا فضل الامهات عليهم، ولما تحملوا في حياتهم من اجل نشاتنا، وقد كانت قصيدة لما جيت اكتب عن مي من القصائد التي تعتبر الافضل من بين غيرها من القصائد، وقد لاقت اعجاب الكثير من محبي الابيات الشعرية نظرا لانها تحتوي على المعاني القوية والرصينة، والابيات المترابطة التي تجعل من يقرا القصيدة يتحدث من قلبه عن الام، لهذا سوف نضع بين ايديكم كلمات قصيدة لما جيت اكتب عن امي كاملة .

    كلمات قصيدة لما جيت اكتب عن امي كاملة

    نضع بين ايديكم كلمات قصيدة لما جيت اكتب عن امي كاملة، والتي قام بالقائها هشام الجغ في العديد من الاحتفالات والمسابقات الشعرية العربية، والتي ابرزت الجمال الحقيقي للقصيدة، وبينت قوة معانيها وترابطها ووحدة القافية بابياتها الجميلة والرائعة وهي من تاليف الشاعر عبدالله حسن .

    لما جيت اكتب عن امي
    قولت عنها شايله همي
    قولت دي بتجري في دمي
    قولت ياما حاجات كتير مش جديدة
    لما جيت اكتب عن امي عاجزة قدامي القصيدة
    شايلة سرّي ..
    كان زمان بيني و بينها حبل صري
    اتقطع يوم الولادة و اتوصل حبل الواداد
    حب متحولش عادة من كلام رب العباد
    حبها اصلا عبادة
    في التعب كانت بتسأل
    جه مؤنث جه مذكر
    جه بيضحك جه مكشر
    جه على الدنيا بسلامة
    وقتها ماكنتش بفكر
    كنت بابكي و كانت بتحضن بابتسامة
    وقتها مكنتش بفكر
    ده الضنا جه من الضنى
    لما جيت اكتب عن امي لاقتني بكتب عني انا
    لما جيت اكتب عن امي عاجزة قدامي الحروف
    قام الألِف زعّق وقف
    قاللي ما تفهم يا ولا
    ده انا مشترك في اسم من لا شريك له
    و اول الاسم الألِف
    و اول الام الألِف
    و دي مش صدف
    ربك بيخلق من العدم خلق الألم وهنا علي وهن
    شالتني لحد ما بلغت الحُلُم
    و ياما بتدلع عليها و ياما بتمنع عليها
    و ياما حاوطتني بجناحها
    و ياما دمعت في عينيها
    و من ايديا تاتا تاتا
    و رجلي داست على البلاطة
    و داس عليها عجل زماننا
    و كانت بتحضني ببساطة
    و لمابتعب كانت بتعب كانت تطبطب
    كانت تجيبلي الشوكلاتة
    كبرت فجأة
    لاقتني بزهق من كلمها عن السجاير
    عن العيال اللي مصاحبهم على الدراسة
    خش ذاكر !
    اجي اتدلع تقوللي ده انت راجل
    ده اللي قدك دخلوا دنيا
    بص يا ابني
    خلي بالك دي السنين زي الكلونيا
    تحطها بتطير بسرعة
    ماتلاقيش لهواها ريحة
    السنين بجحة و صريحة
    امي مابتعرفش تجرح
    بس ياما باتت جريحة
    لما جت وقفت قصادي
    قالتلي انت امتدادي
    انت نور عيني اللي شبهي
    انت دونا عن ولادي
    وقتها انا كنت غاوي للغناوي
    كنت اسيبها قاعدة و انزل اترمي في حضن القهاوي
    هي ديا احلي عيشة
    هاتلي نار علي فحم شيشية
    هاتلي طاولة
    امي دي فاكراني طيشة
    لأ دة انا راجل بشنبي
    بصوا دقني
    و اما جالي الحزن داقني
    و الزمان خد مني خانة
    الدوا اللي عند امي
    مش لاقيه ف الاجزخانة
    كل ليلة كنت برجع و الدُعا صالبلي ضهري
    و التعب فارد طريقي و السنين بتقولي اجري
    في الزمن عمال بسابق
    بلتقي بحضن بفارق
    زحمة الدنيا خدتني
    مفتكرهاش الا لما بس الاقي الاكل حادق
    انت فين مش عارف اكل
    اقعدي جانبي تعالي اسمعي اخر المهازل
    مرة واحد حب ينجح قاله عنه انّه فاشل
    مرة واحد حب واحدة بس سبها لانه عاطل
    قالوا عني اني شبهك
    قالوا واخد شكل شعرك
    ضعف نظرك
    و السنان البايظة منك
    ياما جرحوني يا امي و بدعاكي جت سليمة
    هما لما يقولوا عني ابن امي دي شتيمة !
    كملي جميلك يا امي و بعد عمر طويل اوي
    روحي للرحمن قوليله ان ابني بيحبني اوي
    ياما زعلني و سامحته
    ياما زعقلي و كان يكفيني بس اشم ريحته
    كان بينسي يقولي شكرا وانا باديه من حياتي
    بس انا و انت اللي عالِم كنت بدعيله يوماتي
    ربنا يهديه يسامحه
    كان كتير يصعب عليا لما اشوف في عيونه جرحه
    مهما يعمل لسة ابني اللي كان في اللفة خايف
    مهما ينطق لسة سامعة ماما من اصغر شفايف
    كملي جميلك يا امي
    و روحي للرحمن قوليله
    هو ابني امتدادي
    هو نور عيني اللي شبهي
    و اما جيت اكتب عن امي
    برضه كل كلامي عادي

    فيديو قصيدة لما جيت اكتب عن امي للشاعر عبدالله حسن

    هذه هي الكلمات الكاملة الخاصة بالقصيدة الجميلة والرائعة قصيدة لما جيت اكتب عن امي ،والتي تعبر عن الاحساس الجميل والرائعة للقصائد العربية، وتعتبر من الاشعار الحديثة التي لا تمل .

    رابط مختصر :

    مواضيع ذات صلة لـ كلمات قصيدة لما جيت اكتب عن امي:

    تعليقات الزوار

    اترك تعليقاً