روايات سعوديه رومنسيه جريئه جدا كامله

روايات سعوديه رومنسيه جريئه جدا كامله

جوجل بلس

محتويات

    روايات سعوديه رومنسيه جريئه جدا، الإبداع ليس له حود، والخيال الفكري والعقلي لا يتقنه مجرد شخص، والكم المعرفي والثقافي أيا كان نوعه أو إختصاتصه لا تختزله كافة العقول .

    الروايات الرومانسية إحدى أشكال الإبداع العقلي، يستنبط كاتبها مواقف الحياة ولحظاتها، مع حبيبته أو علاقة شخص يعرفه ربما كان صديقه أو قريب حوله، ويستل قلمه تحت ضوء القمر الخافت وفي ليلة دافئة، تلامس نسمات الهواء الهادئة أطراف الورقة التي سيكتب عليها قصته، فينصت لقلبه ماذا يقول ويترجم القلم ليفيض من عنده بعضا من الكلمات التي تلامس الخيالن لشدة جمال ما يسرده القلب، إخترنا لكم في هذا المقال بعضاً من الروايات السعودية الرومانسية الجريئة جدا .

    روايات سعوديه جريئه

    يوجد الكثير من الُكتاب والأُدباء والشعراء في المملكة العربية السعودية، من يحترفون الإبداع الروائي والقصصي، يكتبون على صفحات مؤلفاتهم كلمات مؤثرة من الحب والغرام، سنكتب لكم هنا أقوى روايه سعوديه رومانسيه جريئه .

    الحب بعد فوات الاوان

    فيه عائله سعوديه غنيه جدا تتكون من ولدين وبنتاسمها عبير البنت ملكه جمال جمالها خارق والابتسامه ماتختفي عنها والضحكه ماتفارقها ودلوعه للاخر تحب كل الناس وتموت في الجمعات
    والكل يحبها من خوالها واعمامها وبنات اعمامها وبنات خالتها مافيه احد مايحبها
    واخوانها شوي معقدين لكن تحاول تتقرب من الي اصغر منها اسمه عادل والي اكبر منها اسمه حسام لكن مايعطيها وجه وامها وابوها مايستغنون عنها

    عبير: هاي اخواني الاعزاء
    حسام بعصبيه: سلمي مو هاي
    عادل: صحيح سخيفه
    عبير تُقلد المدارس: خلاص السلام عليكم ورحمت الله وبركاته
    إخوانها بعد زيها: وعليكم السلام ورحمت الله وبركاته
    تضحك عبير: وين مامي
    أم حسام: هذا أنا وأتركي مامي بعدين
    عبير تضحك وتقلول: خير يُمه انتي وعيالك متفقين على وش فيكم من صباح الله محاضرات
    حسام: عدلي أسلوبك ونترك المحاضرات عقولتك
    عبير: تقول بصوت غير مسموع يوه تكلم المعقد
    عادل: جالس بجنبها وسمع وش قلتي
    عبير: أوف وش تبي مانقصني الا انت بعد أنا رايحه يمه لصديقتي ريم
    أمها: لا مافيه روحه اليوم فيه عززومه كبيره عند بيت عمك عيسى
    عبير فرحانه: والله اخيرا صارت فيه عزايم مش معقول
    حسام : يعني بتروحين
    عبير: طبعاً وأنا كم لي عم بس
    عادل: لك بس سبع اعمام
    الكل: يضحكـكـكـ
    حسام:طيب بقولك موضوع مهم تعالي للغرفه بكلمك
    عبير:مافيه احد غريب قل
    حسام: تذكرين صديقي ذاك الي انقذنا يوم غرقت اللانش بالبحر
    عبير: تضحك ايه اذكره الي بيسوي نفسه بوبي بفلم شوال ثم تضحك
    والله اتذكره لاتقول خاطبني بس
    امها: بجد ماتستحين على وجهك وتقولينها بالفم المليان
    عادل: قليلة ادب
    عبير: طيب انا وش قلت
    حسام: نرجع الى محور حديثنا
    عبير: طيب تفضل يامحمد الصيرفي
    حسام: إلا هاذا خاطبك وانا وافقت
    عبير: أها طيب مادامك وافقت ليش تقولي لازم احراجات
    حسام: يعني موافقه
    عبير: واذا قلت لك لا
    حسام: مو على كيفك
    عبير: إسمع مو انت ولا غيرك يقدر يجبرني على شي
    حسام: الملكة الخميس الجاي
    عبير:بصدقك انت لا مستحيل وأغمى عليها
    عادل: عبير قومي ماراح تتزوجين والله ماتتزوجين
    امها: قومي ماعليك منه والله ماتتزوجينه لو ايش
    حسام خاف عليها: يمه اوديها للمستشفى
    امها:قامت الام وهي ميته بكاء:انت اطلع من البيت ولا اشوفك
    طلع حسام منقهر: والله ماتتزوج غيره طلع وصك الباب بقوه
    حسام:قومي وعد ماتتزوجينه
    قامت عبير تقول: تراك وعدتني صادوه
    وهي تضحك
    عادل ضربها مزح والام انهبلت
    الام قامت معصبه ةالدموع بعينها: ترا المزح له وقت والله ماتستاهلين خوفنا عليك
    حسام: والله تعرفين تمثلين
    عبير: المهم يمه اللبس اليوم اي فستان
    الام: انتي موافقه على صديق اخوك
    عبير: طبعا لا مستحيل وانا اوريهم بس
    الام: اخوك ماراح يغير رايه وترا حتى لابوك موافق
    عبير: يمه لاتفكرين انا بفكر واسوى الي براسي وهي تبتسم بخبث
    حسام: وش الي براسك
    عبير: فكرة مخزنتها لهاليوم الي بملك فيه اخلي زوج المستقبل هو الي ينحاش
    الام : أفكارك بتوديك بداهيه يا عبير

    راحت عبير للغرفة ولبست الفستان الاحمرالطويل الجذاب وحطت المكياج الصارخ والروج الفاقع الاحمر طالعه جذابه ولا جمال الادأندلسيات/ طلعت عبير وش رايكم بكشختي تهبل صح

    عادل: يابخت عمران عليك أخخ يناس بس
    عبير: أولا مو تقلد هشوم ثانيا مين عمران
    عادل:هاذا انشالله تتعرفين عليه الخميس الجاي
    عبير: ويع لايكون هو انشالله يارب تطيح عليه عماره تشل رجوله وماتخليه ينقذ احد
    عادل: تذكرين يوم ينقذنا
    عبير: ايه اتذكرمانقذ احد قبلي مسوي نفسه مضحي انقذ اخت خويه قبل صديقه مسوي نفسه سلمان خان يتوقع اني بحبه مالت عليه بس يبطي عظم والله ماحبه
    سلمان: يغني يناكر المعروف
    انتي لولاه كان متي
    عبير: يخسى الا هو لولا الله مو لولاه اقولك اترك هالسالفه وقلي وين ابوي
    عفوا ببي
    عادل: ببي نايم الى الان وانتي ليش مخلصه بدري
    عبير : أبي اتاكد من حالي قبل ماروح واشوف مسكره ناقصه رسم حواجب شي من هيك يعني
    عادل:اووف منك ممله ودلوعه ترا عمرك عشرين وانتي تفكيرك مثل البزران
    عبير:لاا ياشيخ مين البزر الي عمره عشرين ولا عمره 18
    ضربها بالمخده وراح

    عايلة عمهم عيسى حالتهم الماديه اغنياء وتتكون اسرتهم من 3اولاد وبنتين
    الاولاد رامي عمره25 ويهبل مافيه وحده من العايله ماتحبه الكل يحبه وصفاته زي صفات عبير وهو يحب عبير وعبير ترتاح له بس ماتحبه
    والولد الثاني اسمه ريان ولد صغير يهبل عنيييد
    وعبدالرحمن بصفسادس إبتدائي
    والبنات نوره وابتسام
    ابتسام صديقة عبير الروح بالروح هادئه رومانسيه بس جمالها عاادي
    وهي خلصت الثانوي وجالسه بالبيت زي عبير

    رامي: يمه فيه شي ناقص للحفله اليوم
    الام: لا مشكوور ياوليدي
    بتسام: الا فيه شي ناقص السنكرز ترا عبير تمووووت فيه لازم نضيفها
    رامي بارتباك: ليش هي وش تحب غيره قصدي
    ابتسام تضحك: مالك اتخطيت يابني كدا ليه كل ده لاانك سمعت اسمها
    ضحكت الام: إنشالله نخطبها لك قررررريب
    رامي : طيب وش يضمن لي انها ماتروح
    ابتسام: أركد (اهدئ) ياخوي انت وش بلاك ترا توك ماجهزت نفسك للزواج
    رامي: خلاص طيب انا بروح
    ابتسام: وين
    رامي: وش دخلك

    رامي: وهو رايح يفكر يالله لو تكونين من نصيبي بس راح اكون اسعد واحد في الدنيا والله اشتقت لك اااااااااخ اتمني اني اشوفك قررريب

    حسام قاعد مع عمران
    عمران: هاه عسى العروسه موافقه بس
    حسام: افا عليك ياحسام موافقه ونص
    عمران: تصدق خفت انها ماتوافق
    حسام: انا يوم قلت لها دخلت الغرفه ومنزله راسها مستحيه الا موافقه
    ومين احسن منك بس

    عادل واهله راحو لعمه عيسى
    واستقبلوهم احسن استقبال

    قالت عبير: طيب ماقلتولي العزومه وش مناسبتها
    ام رامي: علشان نشوف ام الفستان الاحمر ولا مايصير
    قامت عبير وباست مرت عمها: الا يصير ياحلى مرت عم في الدنيا
    يضحكون
    قامت ابتسام: قومي ياعبور بنروح لغرفتي بوريك ابداعات عندي تنسيك هموم الدنيا
    وابهالحظه نادى رامي اخته قالت:انا بروح له وبعده بروح فوق واذا خلصت اكلمك على الجوال ok
    عبير: خلاص طيب
    راحت ابتسام لاخوها رامي
    ابتسام: خير وش تبي
    رامي: هاذا جزاي اني جايب لك هاذا يوريها كرتون السنكرز
    ابتسام تضحك: علشاني ولا علشان الي جالسه بجنبنا بالغرفه
    ضحك وراح
    كلمه صديقه محمد
    رامي: يامرحبا ومية هلا
    محمد: يالف هلا اقابلك بالشقه ترا فيه حفله تنسيك هموم الدنيا اليوم
    رامي: آسف ماقدر حنا عندنا عزومه وعازمين قراباتنا
    محمد: حاول طيب
    رمي :قلت لك ماقدر
    بهذي اللحظه كلمت ابتسام عبير وقالت تعالي فوق لان اخوها تحت
    طلعت فوق عبير مستعجله وتزل رجلها وفجائه واحد وراها يمسكها جماله يسحر وطوله مو بعيد عن طولها ناظرت له وناظر لها نزلت راسها مين كيف ليش وهوماسكها وهي تناظر يديه عليها وفجائه يغمى عليها
    وبهاذي اللحظه يتكون غشاء على عينها وتبدا الدنيا من حولها بضباب وتسود الدنيا وتسقط مغمى عليها

    بكتف رامي رامي جن جنونه كيف تطيح وشلون بس لانها شافتني لا مو معقول انا مو خابرها مز لذي الدرجه خجوله انادي مين مين انادى
    وهو مرتبك يمر من عنده اخوه ريان
    ريان ببرائة اطفال: ياوسخ ليش تشيل عبير
    رامي بعصبيه: ناد عادل اخوها بسررعة
    ريان خايف:ليش عبير ماتت
    رامي: يمااه مرت عمي شوفوا عبير بسرعه تعالوا
    وينزل رامي عبير من كتفه بكل رقه وهدؤ رغم ارتباكه لأنه خايف احد يشوفه غير ريان ولا هو يتمنى يشيلها طول العمر
    ام رامي وام حسام يجون مسرعين وش فيها وش فيها
    رامي : مادري اغمى عليها
    ام رامي: لايكون تلعب علينا زي مالعبت فيكم يام حسام
    ام حسام تحاول تقومها قومي قومي شوفي كان تمزحين معي الله لايسامحك ليوم الدين
    لكن لاحياة لمن تنادى عبير باين عليها الارهاق والعرق متساقط من جببهتها ورغم ذالك كان شكلها تحفه شكل اسطوري

    وراح ريان لعادل إلي يلعب بلاستيشن ومتحمس بلعب مع عبد الرحمن
    ريان وهو يبكي:ع ع عاااادل عبير مااااتت
    عادل:وش تقول انت
    ريان مسك يد عادل وقاله تعال معي شفها وهو يبكـي
    راح عادل ولا عنده أي مبالاه للي قدامه دخل على قسـم الحريم لا احم ولا دستور ريان ترك يد عادل وبدا يركـض وتعال بسرعه ياعادل شف اختك
    وصلو عند الدرج عادل مسرع وجلس عند عبير ومسك يدها وشفيـك تكلمي ايه ادري تنصبين على زي زي وتذكر وعرف ان كل هاذا إلي يصير مقلب سوته عبير
    قام وشاف اثار الاهتمام من رامي شافه بنظرة حقـد
    قال رامي:وش فيك شف اختك اغمى عليها انا شفتها فجأة واغمى عليها
    عادل بنظرات استحقار: وانت مستانس قاعد تناظر لها وتتفرج عليها
    رامي بقهر: انت وين وحنا وين يالله شيل اختك انا بالسياره علشان نوديها المستشفى
    عادل انتظرني بالسياره وتم يناظر رامي الى راح
    عادل: يالله قومي راح بلا لعب تراك جننتينا يحاول يصحيها وقال لريان يجيب عطر علشان تقوم

    اتسام ونوره بالغرفه ابتسام: اوف وين هالسخيفه اختفت
    نوره:والله ماااادري
    ابتسام: تكفين روحي ناديها
    نوره: بس علشان التكفين بروح
    نوره طلعت من الغرفه وراحت للدرج الواسع إلي بنهايته متجمعين العايله على عبير
    فجئه يناظر عادل وحده بعمره او اصغر بشوي بنت اعلى الدرج كان شكلها ولا من ملكات الجمال لابسه فستان اسود قصير وذيل من الخلف والكتف مفتوح وكانت روعه عادل نسى اخته ونسى وش اسمه تم يطالعها
    وكان الهواء يطير شعرها الناعم الطويل الحريري والعيون الجذابه وامها وام حسام خافوا على نوره من الصدمه لان فيها انهيار عصبي
    ام رامي: ترا مافيه شي بس عبير اغمى عليها بس
    ام حسام بصوت خفيف: شيل اختك ودها للسياره وغض البصر
    نوره حطت يديها الثنتين على فمها وراح تركض وتركض لغرفتها وصكت الباب وحطت ظهرها على الباب تجي ابتسام منهبله :وش فيك وش فيك تكلمي
    والبنت ماتتكلم
    ابتسام تحاول فيها: قولي وش صاير لك
    نوره فتحت فمها بقوه وتعجز لاسكره ابتسام: لا صكيه وش صار لك تكلمي قولي وش فيك لا لاتقولي شي
    وهي تبيكي ابتسام لحال اختها إلي ترتجف بكل مافيها مفتوح فمها ووجها يتحرك بارتجاف وايدينها تتحرك لاراديا على صدرها على شكل ضرب
    ابتسام تحاول تفتح يدها وتصاااارخ يمااااااه
    وتركض ابتسام للباب وتمشي وتطيح من دون توازن وتروح للدرج وتمشي وتطيح باخر ثلاث درجات وينزل دم من
    على فمها وتروح ماتلقى بالغرفه احد وتروح للمجلس وهي بحالة يرثى لهاتلقى الشغاله
    ابتسام: وين امي
    شغاله: ماما في روح
    ابتسام تاخذ يد الشغاله وتقول تعالي
    ويروحون مسرعات للغرفه يلقون نوره متشنجه اكثر من قبل بس ليش؟
    وش السبب!
    معقوله لان لها قصه او حادثه قديمه؟
    خلونا نشوووف
    يشيلونها ويودونها للسياره
    ابتسام: يوه نسيت العباه بسرعه جيبيها ياعايشه
    جابت عايشه الشغاله العباه لبست ابتسام بالمقلوب من الهبله ولبس اختها عبه مع ان العباه مز مغطيه شي
    من لبسها العاري
    تقول ابتسام: ودنا يامحمد لاقرب مستشفى بسررعه
    يوديها وقالت له يالله شيلها بسرعه
    محمد: خلاص انا فين وديها
    ابتسام: انا معك امش واقولك وين
    شالها السايق وابتسام تمشي قدامه وهي مسرعه والسايق بعد نفس الشئ الكل مستعجل لانها كانت متشنجه واحتماال تموت

    (القنبله)
    ابتسام شافت بالقسم الرخامي الفاخر في الممر الواسع لقت اخوها وامها وولد عمها
    رامي سرحان يفكر بحبيبة عمره بمالكه عقله وروحه بعبير وشفيها وش صار لها
    وش راح يصيبها ولا اخوهاعادل إلي تدمع عينه كل لحظه والثانيه بس يتذكر انه رجال ولازم مايبكي
    ولا الامهات إلي يبكون على حال عبير الغاليه الحبوبه إلي كل العالم يحبونها وتدخل قلوبهم حتى وهي ساااكته
    ابتسام بصوت عااالي يكسر الدنيا بعد هدوء: رااامي الحق علينا شف نوره
    رامي قام من غير شعور شفيها هاذي ناسيه انا بمكان عام ناظرها لقى السايق شايا اخته واخته تتحرك والسايق يمشي ويطيح من قو التشنج راح يركض راامي وعادل والامهات وودوها قسم الطوارئ
    والاطباء كلهم حول نوره إلي يجيب المهدئ والي يعطيها ابره وهاذا دكتور جاي وهاذا رايح

    فتحت عبير عيونها يتثاقل شافت الغرفه وشافت انها بسرير ابيض ولبس مستشفيات وقالت يالله انا وش فيني وش جابني هنا مو معقول انا مخطوفه لا مومعقول كيف مخطوفه وانا لابسه لبس مستشفى بس انا طيبه
    وتقطع حبل افكارها صوت الدكتوره المصريه:الف الحمدلله عالسلامه
    عبير:وش فيني مين جابيني هنا
    الدكتوره :اهلك إلي جابوك والحمدلله دالوقتي راح نشوف التحاليل وانشالله خير
    عبير:بس امانه بلغيني أول زين
    الدكتور:انشالله أول مايخلص التحليل ااولك
    عبير متى يخلص التحليل
    قصدي النتايج
    الدكتوره:انشالله ربع ساعه وكل حاجه خالصه

    ونرجع للنوره
    الاهل كل واحد محتاس مع النتيجه يبي يعرف وش بلا هالعايلتين
    عادل: معقوله كلهم بيسوون فينا مقالب
    عبير الهبله ممكن لكن الملاك إلي شفتها لااااا يالله مين تكون ذيك نوره ولا ابتسام
    يارب عسى تكون نوره مز ابتسام عالاقل تكون بعمري
    طلع الدكتور من غرفة نوره
    ام رامي وهي متقطعه بكاء:هاه بشر يالدكتور
    الدكتور: الحمدلله هاذي مجرد تشنج بسيط اثر الانهيار العصبي إلي صار لها من قبل سنه
    ابتسام: طيب واللحين اخبارها
    الدكتور: عطيناها منومات ومهدئات ومايصير انشالله إلا كل خير
    رامي من غير شعور:وعبير
    عادل: اشوفك مهتم لاختي اكثر من اختك

    عبير قاعده تتذكر احداث اليوم وتتذكر ان اخوها وابوها وامها خلاص وافقوا انهم يزوجونها لكن هي واحد يكون ماتبي إلا واحد رومانسي حلو جذاب ايه زي إلي شفته وفجأة مين ذاك إلا ذاك رامي معقول هو ذكي وحلو وحبوب ومابي ال هو انا حبيته من أول نظره وكانوا من صغرنا يقولون عبير لرامي ورامي لعبير وهو باين انه يحبني إلا يحبني انا الكل يتمناني طيب شلون شكل حبي ماراح يطول

    وقطعت حبل افكارها للمره الثانيه الدكتوره:دالواقتي راح اجيب النتايج
    ابتسمت عبير وراحت الدكتوره
    وفجئئا ابتسمت عبير ابتسامه خبيثه اللحين اكيد بيطلع فيني مثل كالعاده فقر دم انا ورا مابخشش الدكتوره واقولها تقول ان فيني مرض خبيث علشان ينحاش عني واو فكره حلوه

    جات الدكتوره ووجهها باين عليه اثار الفرح:قالت الدكتوره الف الحمدلله عالسلامه فقر دم حاد يعني تغذي واشربي العصيرات الطازجه والمفيده
    قاطعتها عبير بحزن :طيب دكتوره انا عندي مشكله ابيك تساعديني
    الدكتوره! أنا !
    عبير: ايه مافيه احد يقدر يساعدني إلا انتي
    الدكتوره: دانتي بتؤمري
    عبير: اهلي راح يزوجوني غصب الخميس الجاي ملكتي
    الدكتوره: بيغصوبكي
    عبير: اه اه بيعذبني الرجال ذا طول العمر هاذا مجرم وانا اكرهه الله يخليك وسكتت فجئئه
    الدكتوره:والمطلوب مني حنفذوه
    عبير :ابيك تقولين لاهلي ان فيه مرض خبيث
    الدكتورة: مش معقوله مستحيل؟
    عبير بدات بدموع التماسيح:الله يخليك وانا إلي بتحمل كل شئ حرااااام اعيش مع واحد علشان فلوسه ونزلت عبير خاتم الماس باصبعها ومدته للدكتوره
    الدكتوره: استغفر الله خلاص باخدعهم بس انتي بتتحملي كول حاجه
    عبير ابتسمت طيب
    طلعت الدكتوره واثار الحزن عليها والاهل يبكون والممر كله بحالة توتر
    وكلهم حواليها ابتسام وعادل ورامي وام حسام وام رامي والجو كئيب
    ام حسام:هاه بشري
    الدكتوره سكتت وتبي تغير رايها لكن من غير شعور قالت عبير للاسف فيها السرطااان
    ام عبير: لااا وطاحتعلى الارض تبكي
    وام رامي: ماكنت أحسن من حالها الكل يبكي
    الكل يبكي
    إلا اثنين واحد حس بتأنيب ضمير يقول ياليتني مت ولا طلعت في وجهه انا وجه المصائب لو ماني في البيت ماغمى عليها ولا عرفنا ان فيها سرطااان اخ اخ
    والثانيه هي وحده تناظرهم من بعيد ودموعها عالقه ببعيونها وتقول معقول انا خسرت اختي بسمه لا مابي اخسر عبير لا يارب حرمتني من بسمه قدام عيني مابي اخسرها مابي اخسر عبير.

    رابط مختصر :

    مواضيع ذات صلة لـ روايات سعوديه رومنسيه جريئه جدا كامله:

    تعليقات الزوار

    اترك تعليقاً